Бајден го критикуваше доцнењето во дистрибуцијата на вакцините за корона

Новоизбраниот американски претседател Џо Бајден денеска го критикуваше одложувањето на дистрибуцијата на вакцини за коронавирус во САД, осудувајќи го недостатокот на мобилизација на администрацијата на претседателот во заминување Доналд Трамп.

„Планот на администрацијата на Трамп за дистрибуција на вакцини е многу доцна“, рече Бајден од неговиот дом во Вилмингтон.

Околу 2,1 милиони луѓе ја примија првата доза на вакцина од двајца производители – Pfizer-BioNTech и Moderna, според најновите податоци на Центрите за контрола и превенција на болести (ЦДЦ).

Тој број е далеку од целта на администрацијата на Трамп, која вети дека околу 20 милиони луѓе ќе бидат вакцинирани до крајот на годината.