Стравични глетки од Норвешка: Свлечиште проголта дел од село, 12 лица се исчезнати (ВИДЕО)

Најмалку десет лица беа повредени, а 12 исчезнаа во норвешкото село Гјердрум, 25 километри од Осло, во свлечиште кое зафати неколку куќи.

Околу 700 жители беа евакуирани веднаш од селото, а едно лице е тешко повредено.

Премиерот Ерна Солберг посочи дека ситуацијата е сè уште нестабилна и дека само хеликоптерите можат да се приближат до местото.

– Ме боли да видам како природните сили го опустошија Гјердрум. Моите мисли се со сите погодени од свлечиштето – рече таа.

Одронот е предизвикан од обилни врнежи од дожд, а калта проголта неколку куќи.