Европскиот суд за човекови права пресуди дека Русија е одговорна за бројните повреди на човековите права во отцепените региони на Грузија по руско-грузиската војна во 2008 година.
Петдневната војна избувна во август 2008 година кога грузиската армија безуспешно се обиде да ја врати контролата врз отцепената република Јужна Осетија, поддржана од Москва, по што Русија воено интервенираше.
По војната, Русија воспостави воени бази во Јужна Осетија, но и во Абхазија, втора отцепена грузиска република и ги призна како независни држави, додека повеќето држави сè уште ги сметаат за дел од Грузија.
Грузија ја тужеше Русија пред Европскиот суд за човекови права за кршење на Европската конвенција за човекови права и за време и по војната.
Судот со седиште во Стразбур, сепак, ја потврди само повоената тужба, пресудувајќи дека Русија има ефективна контрола врз повоените отценети делови на Грузија и е одговорна за лошо постапување и тортура врз грузиски воени затвореници, произволно притворање и „нехумано и понижувачко „третман на 160 грузиски цивили уапсени во август 2008 година.
Судот исто така ја прогласи Русија за одговорна за спречување на враќањето на присилно раселените етнички Грузијци во отцепените региони по војната.
Судот и наложи на Москва да испита кршење на човековите права за време и по конфликтот.
Највисоките претставници на Грузија оценија дека денешната пресуда на Судот претставува голема победа на таа земја.
Грузискиот претседател Саломе Зурабишвили ја опиша пресудата како „историска“, велејќи дека нејзината земја е „призната како жртва на војната во 2008 година“.
Руското Министерство за правда изрази несогласување со некои заклучоци на Судот, обвинувајќи ја Русија за инцидентите во Јужна Осетија и Абхазија, велејќи дека „директното учество на руската армија во нив никогаш не е докажано“.