Полицијата во Мадрид жестоко реагирала на масовните протести, втора вечер по ред, по апсењето на раперот Пабло Хасел.
Илјадници Мадриѓани излегоа на улиците во средата навечер во знак на протест против апсењето на раперот Пабло Хасел, кој беше уапсен во вторникот по судирот со полицијата на шпанскиот универзитет.
На снимката се гледа како групи демонстранти бегаат од полицијата.
Судејќи според снимките, демонстрантите не ѝ останале должни на полицијата, бидејќи и тие фрлале шишиња, вреќи со ѓубре, а можеле да се забележат пожари и на неколку места низ Мадрид.
Во Мадрид протестите беа свикани преку социјалните мрежи, а до судир со полицијата дојде на главниот плоштад Пуерта дел Сол. Градоначалникот на Мадрид Хозе Луис Мартинез Алмеида го осуди однесувањето на демонстрантите и ѝ изрази јавна поддршка на полицијата. Полицијата ги истурка демонстрантите од плоштадот користејќи ги штитовите и пендреците.
Second night of protests across Spain and Catalonia against the police kidnap yesterday of communist rapper Pablo Hasel. This is Madrid right now. We’ve already seen cops charging protesters but we stand strong:
Solidarity Is Our Weapon. #FreePabloHasel pic.twitter.com/rGR8kZV2Mo— GhostofDurruti (@RobTheRich001) February 17, 2021
На раперот му се заканува девет месеци затвор поради славење на тероризмот и клевети кон кралското семејство и државните институции во твитови и песни. Тој го нарекол поранешниот крал Хуан Карлос „крадец и шеф на мафијата“, по обвинувањата за корупција.
Високиот суд во Шпанија се фокусирл на многу твитови на раперот, особено на оние каде наводно ја пофалил шпанската маоистичка терористичка група ГРАПО.