Во супермаркетите може да се видат секакви сцени, но не и гуштери од скоро 2 метри кои започнаа да се качуваат по полиците во продавницата во Тајландски По Патом.
Тие ползеа по полиците барајќи храна, а клиентите воопшто не беа воодушевени, дури започнаа да викаат од страв и неверување.
Нарумпа Тангсин, кој ја снимил неверојатната сцена, вели дека не смеел да им приоѓа на влекачите затоа што можат да бидат опасни доколку се налутат.
“Застанав кратко за да купам нешто да јадам кога видов огромен гуштер, сакав да земам пијалок, но влекачот стоеше премногу близу. Тие се опасни, особено ако се лути, па затоа останав во позадина. Пазарите се чини дека имаат сè, дури и за гуштери “, рече тој.
Персоналот и клиентите се криеја зад касата, додека животните грабеа предмети и соборија неколку штеки млеко.
Продавачот повикал полиција, која пристигнала со експерти кои ги фатиле влекачите.
Се верува дека тие влегле на пазарот во потрага по храна бидејќи суво време со многу малку дожд владее во Тајланд веќе неколку месеци, пренесува Мирор.
Азиските гуштери живеат во канали и мочуришта во близина на поголемите градови во Тајланд каде се хранат со риби, жаби, змии, но и со остатоци од храна оставена од луѓе.
Доколку се чувствуваат загрозено, можат да бидат многу агресивни, а нивното гризање може да содржи бактерии опасни за луѓето.