Оваа недела пратката вакцини „Фајзер“ во Мексико вклучува дози произведени во американска фабрика, прва од очекуваниот континуиран извоз на дози од САД, изјави за Ројтерс добро информиран извор.
Пратка вакцини произведени во фабриката на „Фајзер“ во Каламазу во Мичиген е обележана како прва испорака во странство од американските постројки откако истече ограничувањето на извозот од ерата на Трамп кон крајот на март, изјави извор во четвртокот.
Како што напредува вакцинацијата во САД, расте притисокот врз американската влада да испраќа вишок вакцини во други земји на кои очајно им се потребни вакцини. Многу земји каде вирусот сè уште се шири, се борат да соберат вакцини за да помогнат во смирување на пандемијата.
Богатите влади се обидоа да се снабдат со вакцини против Ковид-19 од „Фајзер“ и „Модерна“, поради нивната висока ефикасност и безбедносни проблеми со производството и привремената суспензија на вакцините „АстраЗенека“ и „Џонсон и Џонсон“.
„Фајзер“ досега испрати повеќе од десет милиони дози во Мексико, со што стана најголемиот снабдувач на вакцини Ковид-19 во земјата.
„Фајзер“и нејзиниот германски партнер „Бајонтек“ ги снабдуваат другите земји со дози од нивниот главен европски производствен капацитет во Белгија. „Фајзер“ ќе искористи дополнителен капацитет во фабриките во САД за испорака на вакцини во странство, истовремено продолжувајќи ја својата обврска за снабдување со САД, рече изворот, додавајќи дека производителот на лекови ќе доставува и од Белгија.
„Фајзер“ соопшти дека ќе произведе до 25 милиони дози секоја недела во САД до средината на годината, повеќе од потребното за да се исполни задолжителната достава од 300 милиони дози во САД до крајот на јули.
Компанијата очекува да произведе дури 2,5 милијарди дози на вакцина во 2021 година и веќе има договори за испорака на повеќе од милијарда вакцини до владите низ целиот свет.
Договорот што „Фајзер“ го потпиша со Белата куќа минатата година вклучува забрана за испорака на дози од САД во други земји до 31 март, според извор и американски официјален претставник кој не сакал да биде именуван затоа што не е овластен да дава изјави до медиумите.
Американската кампања за вакцинација беше меѓу најбрзите и најуспешните во светот. Според сојузните податоци ажурирани во четвртокот, досега биле администрирани скоро 240 милиони дози на 140 милиони жители.
Белата куќа во понеделникот соопшти дека ќе извезува до 60 милиони дози вакцина Ковид-19 на „АстраЗенека“, произведена во фабриката на САД во земјата, во земјите на кои им е потребна помош.
Официјални лица во понеделникот рекоа дека на САД повеќе не им е потребна вакцината „АстраЗенека“ за да ја исполни својата цел да има доволно вакцини за сите Американци до летото.
Американската влада во неделата соопшти дека веднаш ќе снабдува суровини за вакцината КОВИД-19, медицинска опрема и заштитна опрема на Индија, земја која стана епицентар на пандемија и чиј здравствен систем е на работ на колапс. Испорака на готови вакцини во Индија сè уште не е ветена.