Британската полиција отвори истрага за видеа на кои се гледа како луѓето извикуваат насилни антисемитски пораки од конвој автомобили додека возат низ Лондон.
Снимката објавена на социјалните мрежи вчера покажува неколку автомобили со палестински знамиња како минуваат низ област во северен Лондон, кој е познат со голема еврејска популација.
Dear God: cars festooned with Palestinian flags are going through heavily Jewish neighborhoods of London with loudspeakers blaring, "F*ck the Jews. Rape their daughters."
Tell me more about how anti-Zionism isn't antisemitic.pic.twitter.com/deB2gskIky
— Avi Mayer (@AviMayer) May 16, 2021
Во еден момент се слуша како маж преку разглас довикува пцовки и, меѓу другото, вели: „Силувајте им ги нивните ќерки“.
Лондонската полиција изјавила дека работи на утврдување на идентитетот на одговорните лица и додала дека „ваквиот тип на однесување нема да се толерира“.
Британскиот премиер Борис Џонсон ја осуди содржината на снимката.
„Нема простор за антисемитизам во нашето општество. Стојам покрај британските Евреи кои не треба да бидат изложени на срамниот расизам што го видовме денес“, напишал Џонсон на Твитер.
There is no place for antisemitism in our society. Ahead of Shavuot, I stand with Britain’s Jews who should not have to endure the type of shameful racism we have seen today.
— Boris Johnson (@BorisJohnson) May 16, 2021
Илјадници демонстранти протестирале вчера пред израелската амбасада во Лондон, поради израелските воздушни напади врз појасот Газа оваа недела.
Најмалку 188 Палестинци и осум Израелци се убиени од почетокот на конфликтот меѓу Израел и палестинскиот Хамас, кој владее со Газа.