Владата во Приштина има намера да го прошири тимот за дијалог со Белград, вклучително и меѓународни експерти, а ќе бидат ангажирани амбасади на различни земји во Косово, вклучувајќи ги Велика Британија, Швајцарија и Унгарија, пишува „Коха“.

Амбасадите на Велика Британија и Унгарија одбија да ги коментираат овие наводи, а Швајцарија одговори на весникот дека треба да и се обрати на косовската влада по тоа прашање.

Портпаролот на владата во Приштина, Перпарим Кријезиу, изјави дека владата „поради чувствителноста на процесот, не може да обезбеди повеќе детали од оние што се веќе објавени“.

Директорот на Групата за балканска политика, Наим Рашити, рече дека се направени грешки во процесот на дијалог поради недостаток на експертиза, објави порталот „Косово онлајн“.

Тој истакна дека разговорите со Србија се сложени и дека во косовскиот тим нема експерти. Групата предводена од Рашити разви проект во соработка со норвешката амбасада, во кој ќе учествуваат локални експерти во косовскиот тим.

Како што се наведува, владата на Приштина, норвешката амбасада и Групата за Балканот на 22 април потпишаа меморандум за разбирање, кој предвидува можности за ангажирање странски експерти во процесот на дијалог со Србија и други програми поврзани со дијалогот.

Досега ангажирани експерти се: Бернард Никај, Леон Маjазогу, Роберт Мухареми, Мухамет Мустафа, Ветон Сурои и Блерим Шала.

Балканската група за политика вели дека тие нема да имаат претставничка или водечка улога во разговорите со Србија.