Претседателот Лукашенко ја искористи својата посета на Русија за да се бања во Црното Море за време на паузата во разговорите со претседателот Владимир Путин. Температурата на водата не била пречка за него.
„На сите кои се загрижени: Претседателот на Белорусија ја прифати поканата на неговиот руски колега да се искапи во Црното Море. Температурата на водата е плус 16“, се наведува во придружната порака со фотографијата на телеграм-каналот „Пул Први“.
Turns out Lukashenko couldn't refuse Putin's suggestion that he should go for a swim in the Black Sea. Putin stayed dry. pic.twitter.com/eTjnT2XE5o
— X Soviet (@XSovietNews) May 30, 2021
Белорускиот претседател пристигна во регионот Краснодар во петокот за да разговара со Путин.
Состанокот на двајцата лидери траеше повеќе од пет часа.
Сепак, имаше време и за разговори во неформална атмосфера, за време на патување со брод на Црното Море.
Да потсетиме, Путин и Лукашенко разговараа за актуелни прашања, вклучително и за ситуацијата во врска со слетувањето на авионот на „Рајанер“, кој од Атина леташе кон Вилнус. Лукашенко изјави дека му донел документи на Путин кои ќе покажат што навистина се случило во Белорусија.