Кина ја одобри вакцината Синофарм за деца постари од три години

Вакцината против ковид-19 на кинеската компанија „Синофарм“, што ја направи Институтот за биолошки производи во Пекинг, доби одобрение за употреба за деца од три до 17 години во Кина, соопштија денеска официјалните лица.

Оваа информација на прес-конференција ја објави Шао Џиминг, истражувач во кинескиот центар за контрола и превенција на болести.

Кина досега користела вкупно 845,3 милиони вакцини, а вчера се дадени 20,4 милиони дози, покажуваат податоците на Националната здравствена комисија.