Академијата за биоетика во Ватикан и Светската медицинска асоцијација повикаа на напори за отстранување на отпорноста кон вакцинацијата и корекција на „митовите и дезинформациите“ што ја забавуваат борбата против коронавирусот.
Во заедничката изјава, двете групи наведоа дека одредено двоумење околу вакцинацијата во посиромашните земји е вкоренето во историските нееднаквости и сомнежот кон западните фармацевтски компании.
Но, тие додадоа дека поштетната форма на двоумење се поттикнува од лажни вести, митови и дезинформации за безбедноста на вакцините, вклучително и меѓу верските групи и некои членови на медицинската заедница.
Соопштението беше објавено по целодневен веб-семинар за вакцини под покровителство на Папската академија за живот, Светската медицинска асоцијација, чие седиште е во Франција и Германското здружение на лекари.