Словенија денеска го укина бесплатното масовно тестирање за коронавирусот, додека само вработените во секторите, каде што тестирањето е задолжително за невакцинирани лица, и понатаму ќе имаат пристап до бесплатни брзи тестови за антитела.
Сите други ќе треба да платат за тестовите, пренесува словенечката агенција СТА.
Така, бесплатното тестирање ќе продолжи да биде достапно за наставниците низ образовниот систем, вработените во здравствениот сектор и системот за социјална заштита, како и работниците во малопродажбата и организацијата на настани.
Намалувањето на бесплатните брзи тестови во оптек е дел од обидот на владата во Љубљана да ги убеди луѓето да се вакцинираат.
Само 41 процент од словенечките граѓани беа целосно вакцинирани, а 46 проценти ја примија првата доза на вакцината против коронавирус.