Талибанците брутално го убија авганистанскиот фолк пејач Фавад Андараби во селото Андараб, објави на Твитер поранешниот авганистански министер за внатрешни работи Масуд Андараби, цитиран од Ал-Арабија.
– Тој носеше радост во оваа долина и нејзините луѓе – напиша Андараби во твит со снимка на пејачот.
Портпаролот на Талибанците, Забихула Муџахид, откако го презеде градот, во интервју за Њујорк тајмс рече дека музиката е забранета на јавни места.
„Музиката е забранета во исламот, но се надевам дека можеме да ги убедиме луѓето да не прават такви работи, наместо да вршиме притисок врз нив“, рече тој.
Додека Авганистан беше управуван од Талибанците во 1990 -тите, музиката и другите телевизиски и кино содржини беа забранети, а прекршувањата беа строго казнети.
По 2001 година и интервенцијата на САД во Авганистан, музиката повторно беше дозволена.
Се стравува од враќање на репресивниот талибански режим кој владееше со Авганистан од 1996 до 2001 година.
Taliban’s brutality continues in Andarab. Today they brutally killed folkloric singer, Fawad Andarabi who simply was brining joy to this valley and its people. As he sang here “our beautiful valley….land of our forefathers…” will not submit to Taliban’s brutality. pic.twitter.com/3Jc1DnpqDH
— Masoud Andarabi (@andarabi) August 28, 2021