НАТО вети дека нема да ги заборави Авганистанците кои не беа евакуирани

Генералниот секретар на НАТО Јенс Столтенберг оцени дека е „неопходно“ аеродромот во Кабул да остане отворен и вети дека нема да ги заборави оние кои се обидуваат да избегаат од режимот на Талибанците во Авганистан по заминувањето на последните американски војници.

„Одржувањето отворен аеродром е од суштинско значење, како за обезбедување хуманитарна помош за луѓето во Авганистан, така и за да се осигураме дека можеме да продолжиме да ги евакуираме луѓето, оние кои сакаат, но не можеа да заминат“, рече Столтенберг за АФП.

Според него, НАТО е посветен на продолжување на работата за евакуација на Авганистанците.

„Нема да ги заборавиме“, додаде Столтенберг.