Една жена од Канада само случајно избегнала да не биде погодена од метеорит во глава, кој го пробил таванот на нејзината куќа и ја погодил перницата додека спиела на неа.
Рут Хамилтон од Голден, Британска Колумбија спиела во кревет во нејзиниот дом кога се разбудила од силен удар. Кога скокнала од креветот и го вклучила светлото, видела дупка во таванот и метеорит на перницата, објавија канадските медиуми.
Метеоритот кој завршил во нејзината спална соба тежи повеќе од килограм, па само голема среќа ја спасила Хамилтон од сериозни повреди.
Таа повикала полиција, која прво помислила дека се работи за камен што одлетал при експлозијата на градилиштето на блискиот автопат.
Меѓутоа, проверките утврдиле дека немало минирање, а локалните жители сведочеле дека виделе силна светлина на небото над тој град во текот на ноќта.