Хероин и таблети пронашла полицијата во „опел астра“

Вчера во село Балиндол, гостиварско, полициски службеници од Oдделението за внатрешни работи Гостивар ги лишиле од слобода А.К.(40) од с.Леуново, општина Маврово и Ростуше и А.Ј.(21) од Гостивар.

При преглед во патничко возило „опел астра”, сопственост на А.К., во кое бил и А.Ј. биле пронајдени и одземени хероин и таблети. Тие биле приведени во полициска станица и по целосно документирање на случајот против нив ќе биде поднесена соодветна пријава, информираат од МВР.