Кина регистрирала 140 нови случаи на КОВИД-19 во последните 24 часа, што е зголемување во однос на 87-те нови случаи пријавени во претходниот ден, соопштија денеска здравствените власти, пренесе Ројтерс.
Од новите случаи, 87 се на локален пренос, наспроти 55 за претходниот ден, се вели во соопштението на Националната здравствена комисија. Повеќето нови случаи на локално пренесување се во северозападната провинција Шанкси.
За последните 24 часа, Кина пријави 24 асимптоматски случаи, кои ги категоризираше одделно од потврдените случаи во споредба со 26 за претходниот ден.
Не се пријавени нови смртни случаи од КОВИД-19, со што бројот на починати се искачи на 4.636. Од вчера, вкупниот број на потврдени случаи на коронавирус во континентална Кина од пандемијата достигна 100.971.