Една кокошка е „уапсена“ откако се шетала и клукала во заштитениот простор на Пентагон, една од најзаштитените згради во светот, соопшти денеска организацијата за права на животните.
Вработените во организацијата Лига за благосостојба на животните во Арлингтон биле повикани да ја земат кокошката во понеделникот и да ја вратат во кокошарник.
За обидот за „упад на кокошката“ во Пентагон пишуваше и „Military Times“.
Весникот на шега праша дали кокошката едноставно се изгубила во обид да ја премине улицата или всушност е шпион во мисија да украде некои државни тајни.
Корисниците на Интернет предложија кокошката да се вика Етел Розенберг, позната Американка уапсена и егзекутирана поради шпионирање за Советскиот Сојуз во 1950-тите.
Apparently, the answer to "why did the chicken cross the road" is to get to the Pentagon?! This chicken was caught sneaking around the security area at the Pentagon (we're not kidding) and our officers picked her up. Now we need a name for her – suggestions welcomed! pic.twitter.com/6RmMSjNKnU
— AWLArlington, VA (@AWLAArlington) January 31, 2022