Германскиот канцелар Олаф Шолц денеска изрази очекување дека Русија ќе преземе јасни чекори кон деескалација на кризата со Украина. Шолц истакна дека Германија и нејзините западни сојузници се подготвени за сериозен дијалог со Русија за европската безбедност.
Според Радио Слободна Европа (РСЕ), по разговорите со украинскиот претседател Володимир Зеленски во Киев, тој рече дека неговата влада „интензивно“ работи на тоа и дека за тоа разговарал со американскиот претседател Џо Бајден и со лидерите на Европската унија.
„Но, засега не знаеме како изгледа пакетот. Конкретно, нема информации дали некоја од санкциите ќе се однесува на Северен тек 2, гасоводот Русија-Германија што може да снабдува 26 милиони германски домови“, рече канцеларот.
Тој, исто така, во Киев рече дека суверенитетот и интегритетот на Украина за Германија се „прашања за кои не може да се преговара“ и дека секоја руска агресија ќе има „далекосежни и тешки последици“ за Русија.
Тој изјави дека тоа ќе го подвлече утре за време на разговорите во Москва, каде што патува по Киев.
Обраќајќи се на прес-конференција по двочасовниот разговор со украинскиот претседател, Шолц исто така рече дека Германија е подготвена за „сериозен дијалог“ со Русија.
Украинскиот претседател Зеленски, одговарајќи на новинарско прашање за време на брифингот во Киев по разговорот со Шолц, ја повтори амбицијата на Украина да влезе во НАТО.
„Се разбира, ние би сакале да станеме НАТО“, повтори Зеленски, наведувајќи дека само Украина може да донесе одлука за она што Русија жестоко се противи.