Организацијата на земјите извознички на нафта (ОПЕК) и нивните сојузници, групата наречена ОПЕК +, треба да го намалат јазот меѓу нивното вистинско и целното производство, изјави денеска шефот на Меѓународната агенција за енергија (ИЕА), Фатих Бирол.
„Постои значајна разлика меѓу целите поставени од земјите од ОПЕК + во однос на нивото на нивното производство и она што тие го произведуваат денес. Ќе биде важно ОПЕК + да го намали овој јаз и, се надеваме, да обезбеди поголеми количини на пазарот“, рече Бирол на конференцијата во Ријад, главниот град на Саудиска Арабија, пренесе Ројтерс.
Производителите на нафта ОПЕК + минатата година одлучија да го зголемат производството за 400.000 барели дневно (bpd) секој месец од август за постепено да се вратат на нивоата на пумпање пред колапсот на пазарот на нафта во пролетта 2020 година, кога воведоа драстични ограничувања на производството за поддршка на цените.