Индија со специјален лет ги евакуира граѓаните од Украина

Специјален лет се упати утрово кон Киев, со цел да евакуира граѓани на Индија „заглавени во кризата меѓу Русија и Украина”, јави Би-Би-Си.

„Ер Индија” на 18 февруари соопшти дека ќе испрати три авиони од земјата во Украина. Летовите беа планирани за денеска, в четврток и во сабота.

Претходно, Индија ги повлече рестрикциите за летови до и од Украина.

Русија уверува дека нема планови да ја нападне Украина. Но, на 18 февруари, американскиот претседател Џо Бајден, изјави дека верува оти Путин е решен да нападне „следниве денови”.