Француските власти запленија руски брод бидејќи веруваат дека може да биде поврзан со компанија осомничена дека ги прекршила трговските санкции поврзани со војната во Украина, пишува Ројтерс.
„Руски товарен брод со име „Балтички лидер“ долг 127 метри, кој превезувал автомобили, бил пресретнат од француската морнарица во текот на ноќта во Ла Манш и придружуван до пристаништето Булоњ-сур-Мер во северна Франција. Тој беше однесен во француско пристаниште на барање на француската влада бидејќи се сомничи дека е припадник на компанија која е цел на санкциите на ЕУ против Москва. Француските гранични сили во моментов го истражуваат товарниот брод“, изјавил функционер, пренесе Би-би-си.
Се додава дека екипажот на рускиот брод соработува со француските власти.