Украинскиот претседател Володимир Зеленски изјави дека Турција нема да дозволи руски воени бродови да минуваат низ Црното Море.
„Им благодарам на мојот пријател, господинот претседател Ердоган и на народот на Турција за силната поддршка. Забраната за минување на руски воени бродови во Црното Море и значителната воена и хуманитарна поддршка за Украина се исклучително важни. Луѓето од Украина никогаш нема да го заборават тоа“, напиша Зеленски на Твитер.
Зеленски денеска телефонски разговараше со турскиот претседател Реџеп Таип Ердоган.
Во соопштението на Канцеларијата за комуникации на турското претседателство се наведува дека Ердоган и Зеленски разговарале за нападот на Русија врз Украина и за последните случувања во таа област.
Во текот на разговорот, Ердоган изрази сочувство до семејствата на загинатите граѓани на Украина, а на повредените им посака брзо закрепнување.
Ердоган рече дека се обидуваат да прогласат примирје што е можно поскоро за Украина да не претрпи дополнителни штети и да спречи понатамошни загуби на животи.
I thank my friend Mr. President of 🇹🇷 @RTErdogan and the people of 🇹🇷 for their strong support. The ban on the passage of 🇷🇺 warships to the Black Sea and significant military and humanitarian support for 🇺🇦 are extremely important today. The people of 🇺🇦 will never forget that!
— Володимир Зеленський (@ZelenskyyUa) February 26, 2022