Од почетокот на рускиот напад врз Украина, операторот на украинскиот систем за пренос на гас GTSOU регистрира рекордни нивоа на транспортирани количества руски природен гас. Од 25 февруари до 1 март, вклучително, Русите користеа помеѓу 97% и 100% од капацитетот резервиран од GTSOU. Вредноста е значително повисока од просекот за претходните денови.
„Продолжуваме да ги исполнуваме нашите однапред најавени обврски за пренос на гас. Сегашниот транзитен волумен е 109,2 милиони кубни метри“, изјави шефот на GTSOU за Handelsblatt.
Во деновите и неделите пред 25 февруари, Русите користеа само делумно резервиран транзитен капацитет. Во многу денови, стапката на искористеност беше далеку под 50%, а Русија беше остро критикувана за оваа одлука.
Европејците ги обвинија Русите дека ги исполнуваат своите договорни обврски за снабдување, но не нудат поголеми количини гас, за да ги одржат високите цени и тензичната ситуација со снабдувањето.
Во средата, природниот гас во Европа се продаваше за повеќе од 2.100 долари за 1.000 кубни метри – ниво што го достигнува за прв пат од 23 декември 2021 година, според податоците на меѓународната берза ICE.
Априлските фјучерси на центарот ТТF во Холандија во 10 часот по македонско време се тргуваа за 194,17 евра за мегават час, што е над 2100 долари за 1.000 кубни метри. На отворањето на берзата цената беше 130 евра за мегават-час (околу 1.430 долари за 1.000 кубни метри).
Изненадувачки е што Русите целосно го користат транзитниот капацитет на кој имаат право според договорот од самиот почеток на нивната инвазија на Украина.