Високиот припадник на руската армија, Андреј Суховецки, наводно бил убиен за време на нападот во Украина, објавија локалните украински медиуми, повикувајќи се на објавата на неговиот колега на социјалните мрежи.
Во меѓувреме, украинските медиуми објавија дека Суховецки, кој е и заменик командант на 41-та комбинирана армија на Централниот воен округ, бил убиен во средата.
Министерството за одбрана во Русија се уште официјално не ја потврдило неговата смрт, но оваа вест на социјалните мрежи ја објави неговиот колега Сергеј Чипилев, а ја потврдија и неколку руски и украински медиуми.
– Со големо жалење ја примивме оваа вест за смртта на нашиот пријател генерал-мајор Андреј Александрович Суговецки, на територијата на Украина за време на специјалната воена операција, се наведува во соопштението, пренесува „Newsweek“.
! Ukrainian armed forces announced that they have killed maj. gen. Andrey Sukhovetskiy, a Spetsnaz commander and deputy chief of the 41 Army in Novosibirsk. This appears confirmed by a spokesperson of the Russian Paratroopers Union. If confirmed, major demotivator for RU.
— [email protected] (@christogrozev) March 3, 2022
Неименуван извор близок до армијата потврди дека тој наводно бил убиен од украински снајперист, а потоа рече дека погребот на генерал-мајорот, кој во моментов се смета за највисоко рангиран Русин убиен во конфликтот, ќе се одржи во сабота во неговата родна Русија.
Засега нема информации каде е убиен Суховецки. 47-годишниот бил високо одликуван ветеран кој бил назначен за заменик командант на 41-та дивизија во октомври 2021 година.
Властите во Москва вчера објавија дека за време на војната во Украина загинале 498 руски војници, а 1.600 биле повредени. Во меѓувреме, украинските вооружени сили денеска соопштија дека руската армија претрпела 9.000 жртви.
Фото: Profimedia/TASS/Sergei Malgavko