Украинскиот претседател Володимир Зеленски во интервју за германски „Билд“ зборуваше за најтешките денови што ги доживува неговата земја, а која беше нападната од Русија пред две недели. На прашањето како се справува со се и дали воопшто спие, тој со гордост одговара:
– Во сите, па дури и окупирани, делови од Украина сè уште се веат нашите жолто-сини знамиња! Луѓето немаат многу време за спиење, ние ја браниме земјата во последните две недели.
Зборувајќи за тоа што е на врвот на наводната листа за стрелање на Путин, како и дека неговото семејство е на истата листа веднаш зад него, Зеленски вели дека неговите најблиски се горди на него.
– Тие се горди, а ние сме горди што сме Украинци. Тие знаат дека можев да избегам и да бидам безбеден сега, но ја разбираат и ја поддржуваат мојата одлука да останам овде бидејќи тоа е одлука за нашата татковина. Тие сакаат Киев да остане силен. Секако, тие се загрижени за мене, тоа е човечко, но во нивните срца се со мене, рече тој.
– Ова е историски момент за нашата земја, а подоцна ќе има време да се потсетиме на сите тешкотии низ кои мораше да помине секој поединец. Нема да ги заборавиме моментите кога направивме нешто големо. Нашата цел е да ја зајакнеме државата, без разлика на цената. Сето ова го правам за моите деца и внуци, не сакам да ме паметат како слаб човек, изјави украинскиот претседател.
Новинарот на Билд потоа го праша каква е ситуацијата во Киев и што проценува, колку Руси можеби ќе треба да дојдат во градот и колку се далеку од него.
– За мене прашуваш?! Видете, сите пристапни патишта до Киев се блокирани, но ние сме тука, а вие можете да бидете сведоци на тоа. Не ми е гајле каде се крие непријателот и колку ќе ни се приближи. Загрижен сум за состојбата на нашата земја, загрижен сум за резервите на вода и храна. Загрижен сум за Мариупол, Доњецк, Запорожје, Мелитопољ, Волноваха, Харков… Ситуацијата таму е ужасна. Луѓето немаат вода и храна, а во Мариупол на дело хуманитарна катастрофа. Таму испративме хуманитарни конвои од сите делови на Украина, но тие пукаат во нив, руските војници не сакаат да ги пропуштат. Но, имаме многу храбри возачи кои продолжуваат да ги пробиваат гранати, вели Зеленски, додавајќи дека во вторник е постигнат договор за соработка со Црвениот крст.
Тој одговори и на прашањето за барањето Украина да ја признае независноста на двете републики во Донбас и да го прифати Крим како дел од Руската Федерација.
– Не е прашање од што можеме да се откажеме. Во сите преговори целта ми е да ја прекинам војната со Русија и во таа смисла сум подготвен да преземам одредени чекори. Компромисите се неопходни, но тие не смеат да претставуваат велепредавство, но и другата страна мора да биде подготвена за компромиси, затоа се нарекуваат компромиси. Тоа е единствениот излез од оваа ситуација. Но, сè уште не можам да зборувам за детали. Сè уште немаме остварено директен контакт меѓу двајцата претседатели, а само директни разговори меѓу двајцата претседатели можат да стават крај на оваа војна, рече Зеленски.