Руското Министерство за одбрана денеска негираше дека руските сили ден претходно бомбардирале породилиште и детска болница во украинскиот град Мариупол, обвинувајќи ја Украина за „исценирани провокации“.
Според соопштението, Русија вчера не извршила воздушни напади врз копнени цели во таа област, почитувајќи го договорениот „режим на тишина“, пренесува Ројтерс.
Рускиот министер за надворешни работи претходно денеска изјави дека Русија на седницата на Советот за безбедност на ОН изјавила дека украинскиот националистички баталјон Азов ја користи породилната болница во Мариупол како своја база.
Изведен воздушен напад врз болницата во Мариупол
-Киевскиот режим целосно ја исценираше ситуацијата околу болницата во Мариупол за да ја обвини Русија за воздушниот напад, изјави денеска за новинарите портпаролот на Министерството за одбрана, генерал-мајор Игор Конашенков.
-Министерството за одбрана на Русија во средата објави „режим на молк“ за безбедно евакуација на цивилите во градот. Руската авијација во регионот на Мариупол не изврши апсолутно никакви задачи за гаѓање цели на теренот, нагласи Конашенков, пренесе РИА Новости.