Повеќе од 40.000 Сиријци се регистрирани да патуваат во Украина и да се борат на страната на Русија, според Сириската опсерваторија за човекови права (SOHR). Групата во понеделникот соопшти дека ниту еден борец досега не ја напуштил Сирија.
Се шпекулира дека платата е помеѓу 1.500 и 2.500 долари, соопшти СОХР (SOHR), иако нема потврдени податоци.
Минатата недела рускиот претседател Владимир Путин дека треба да им се дозволи на странските доброволци да се борат во Украина.
„Ако видите дека има луѓе кои сакаат да дојдат да им помогнат на луѓето кои живеат во Донбас по своја волја, а не за пари, тогаш треба да им дадеме што сакаат и да им помогнеме да дојдат во зоната на конфликтот“, рече Путин.
Украинскиот претседател Володимир Зеленски ги нарече сириските регрути „насилници“ кои ќе патуваат да убиваат луѓе „во странска земја“.
Украина, чии вооружени сили се многу помали од руските, повика и странски борци, а некои наводно од Обединетото Кралство и Канада, веќе пристигнаа во земјата.