Украина: Ќе бидат потребни години за да се деактивираат неексплодираните убојни средства

На Украина ќе и требаат години за да ги деактивира неексплодираните бомби по руската инвазија, рече министерот за внатрешни работи.

Во изјава за „Асошиејтед прес“ од Киев, Денис Монастирски рече дека на земјата ќе и треба помош од Запад за да се справи со оваа огромна интервенција кога војната ќе заврши.

„Во Украина беа испукани огромен број гранати и мини, а голем дел не експлодираа. Тие останаа под урнатините и претставуваат голема закана“, рече Монастирски.

„Ќе бидат потребни години, а не месеци за да се деактивираат“.