Украинците тврдат дека Русите освоиле уште еден град, киднапиран е градоначалникот

Руските сили го зазедоа Славутич, градот во кој се наоѓаа работниците на угасената нуклеарна централа Чернобил, изјави гувернерот на регионот Киев, Олександр Пављук.

Во изјава објавена на социјалните мрежи, Пављук во саботата рече дека руските сили окупирале болница во Славутич и го киднапирале градоначалникот.

Ројтерс не можеше независно да ги потврди објавите.

Во петокот, локалните украински власти соопштија дека Славутич е „целосно изолиран“, а руските сили се веднаш до границите на градот.