Новиот лимит кога станува збор за новите автомобили го договорија министрите на ЕУ, кои наскоро ќе објават нови безбедносни мерки, од кои некои ќе ја намалат моќноста на моторот доколку возачите надминат одредена брзина. Дали ова ќе го уништи пазарот на луксузни автомобили?
Според извештајот, сите нови автомобили треба да бидат опремени со ограничувачи на брзината, со цел да се усогласат со новите прописи на Европската унија. Министрите наскоро ќе објават голем број нови мерки, од кои некои ќе ја намалат моќноста на моторот доколку возачите надминат одредена брзина.
Технологијата наречена „интелигентна помош за брзина“ зависи од GPS-следењето и од камерите на возилото.
„Ова целосно ќе го уништи пазарот на луксузни автомобили и мислам дека толку многу аспекти од кампањата против возачот сега доаѓаат до израз“, рече британскиот пратеник Крег Мекинлеј, додавајќи:
„Ова е само уште еден Голем брат во управувањето. Ќе видиме повеќе од ова ако се движиме во насока на цените на патиштата. Мислам дека луѓето не размислувале за аспектите на слободата на сето ова. Само звучи многу неконзервативно“.
Од друга страна, Едмунд Кинг, претседател на АА, истакнува дека „ограничувањата на брзината мора да бидат целосно точни бидејќи автомобилот реагира на ограничувањето на брзината. Ако имате погрешно ограничување на брзината во дигитален систем, тоа може да ве забави до погрешна брзина или ви дозволуваат да забрзате до погрешна брзина“, пишува Auto Klub.