259
Францускиот претседател Емануел Макрон во телефонски разговор со неговиот украински колега Володимир Зеленски ветил дека ќе ја зголеми воената и хуманитарната помош за Киев, пренесува РИА Новости.
Претседателите на Франција и Украина денеска разговарале телефонски, а според францускиот медиум BFMTV, Макрон му ветил на Зеленски „дека ќе ја зголеми помошта за Украина во одбранбено оружје и ќе обезбеди хуманитарна поддршка“.
„Мисијата на француските експерти кои придонесуваат за собирање докази за борба против неказнивоста и дозволување на работа на меѓународната правда во врска со злосторствата извршени во контекст на руската агресија ќе продолжи”, рече тој.