Невработеноста во еврозоната и Европската унија (ЕУ) забележа благ пад на месечна основа во март до 6,8% (во споредба со 6,9% во февруари) и 6,2% (во споредба со 6,3% во февруари), соодветно, објави денеска Европската статистичка служба Евростат.
За споредба – во март 2021 година невработеноста во еврозоната беше 8,2%, а во ЕУ – 7,5%.
Вкупно 13,3 милиони мажи и жени биле невработени во ЕУ, од кои 11,2 милиони во еврозоната. На месечно ниво нивниот број се намалил за 85.000 во ЕУ и 76.000 во еврозоната. Споредено со истиот период претходната година, невработеноста се намалила за 2,359 милиони во ЕУ и 1,931 милиони во еврозоната.
Податоците можеби се ран сигнал за влијанието на војната во Украина врз пазарот на трудот во регионот. Конфликтот ги влошува проблемите со синџирот на снабдување, ја забрзува инфлацијата и ја зголемува неизвесноста, принудувајќи ги работодавците да дејствуваат внимателно и да преземаат внимателни чекори.
Што се однесува до невработеноста кај младите, која ги погодува лицата помлади од 25 години, вкупно 2,579 милиони млади луѓе во Европа биле невработени, од кои нешто повеќе од 2 милиони се во еврозоната.
Стапката на невработеност кај младите достигна 13,9% во ЕУ и во еврозоната во споредба со 14% еден месец порано.
Невработеноста кај жените во ЕУ била 6,6 отсто, а кај мажите 5,9 отсто. Во еврозоната, невработеноста кај понежниот пол е намалена за 1 базичен поен на 7,2 отсто, додека кај мажите таа остана непроменета на 6,5 отсто.