Северна Кореја изврши ракетна проба во саботата, а најверојатно станува збор за лансирање на балистичка ракета, објавија јапонската и јужнокорејската армија.
Јужнокорејската армија соопшти дека Северна Кореја истрелала проектил од нејзиниот источен брег, а новинската агенција Јонхап нагласи дека армијата верува дека станува збор за балистичка ракета.
И јапонското Министерство за одбрана на Твитер објави дека тоа би можело да биде балистичка ракета.
Северна Кореја истрела балистичка ракета кон море во близина на нејзиниот источен брег во средата, соопштија Јужна Кореја и Јапонија откако Пјонгјанг вети дека ќе ги развие своите нуклеарни сили „со најголема можна брзина“.
Соединетите Американски Држави процениле дека Северна Кореја ја подготвува својата нуклеарна експериментална локација Пунгиери и дека би можела да биде подготвена да спроведе тестирање таму овој месец, изјави заменик портпаролката на Стејт департментот Џалина Портер.
Новоизбраниот претседател на Јужна Кореја, Јун Сук-јеол, ќе ја преземе функцијата во вторник.