По одлуката на ЕУ, цената на нафтата скокна на 123,3 долари за барел

Цените на нафтата денеска скокнаа откако лидерите на Европската унија синоќа постигнаа договор за забрана на увоз на 90 отсто од руската сурова нафта до крајот на годината.

Во азиската трговија, цената на европската нафта брент за испорака во јули (фјучерс договори) порасна за 1,35 отсто на 123,3 долари за барел, покажуваат најновите достапни податоци на порталот oilprice.com.

Со договорот за забрана за увоз на руска нафта, ЕУ излезе од преговарачкиот ќорсокак предизвикан од одбивањето на Унгарија да се согласи на ембарго на нафта, што, како што изјави Будимпешта, ќе ја уништи нејзината економија, која е многу зависна од руската нафта.