Land Cruiser заработи репутација на цврсто теренско возило благодарение на неговата способност да се справи со најтешките теренски услови. Овој модел е познат повеќе од 70 години.
Ова извонредно наследство е една од референтните точки за најновото дополнување на семејството на модели Land Cruiser, верзија Matt Black Edition.
Како што сугерира името, новата верзија доби мат црна завршница на надворешните детали на возилото, што укажува на основните предности и суштината на моделот Land Cruiser.
Напред, таа идеја е нагласена со деталите околу решетката и вертикалните летви на решетката, потоа украсните детали над фаровите и рамката на светлата за магла.
Покрај тоа,, дополнителните странични скали, шините на покривот, куќиштата на ретровизорите и 18-инчните алуминиумски тркала се обоени во мат црна боја, исто како и украсниот елемент над регистарската табличка на задната врата.
Внатрешноста исто така добива освежен изглед, со тоа што купувачите можат да изберат од две нови опции за кожни тапацири на седиштата, комбинирајќи црни потпирачи за глава и седишта со странични потпирачи во контрастна сива или кафена боја.
Новиот Matt Black Edition е достапен за највисоките нивоа на опременост на Land Cruiser, во каросеријата со 5 врати. Опремен е со погон на четири тркала, четирицилиндричен 2,8-литарски турбо дизел мотор со 204 КС и 500 Nm вртежен момент, како и шестстепен автоматски менувач.
Land Cruiser Matt Black Edition ќе биде пуштен во продажба во Европа во текот на четвртиот квартал од 2022 година, кога ќе биде објавена и цената на оваа ексклузивна верзија.