KIA објави официјални скици на новиот компактен кросовер XCeed, кој ќе им конкурира на моделите Citroen C4 и Mazda CX-30. Новиот XCeed е рестилизиран во насока на поспортски изглед.
Во понудата ќе биде вклучена и новата опрема GT-Line, потврдија од јужнокорејската компанија. Покрај освежената надворешност, ревидирана е и кабината во сите облоги, но засега не е прикажана.
KIA XCeed е најпродаваниот модел во семејството Ceed, кој е дизајниран, развиен и произведен во Европа, за европскиот пазар. Малку повисоката возачка позиција е голем фактор за популарноста на моделот, а од скиците можеме да заклучиме дека оваа предност е задржана.
Од KIA велат дека новата, динамична GT-Line облога „комбинира авантуристички дизајн со детали за кросовер со спортско чувство на фокусиран европски хечбек“.
Се очекува дека и обичниот хечбек Ceed ќе доживее слични промени, но дека, за разлика од кросоверот, нема да има серија електрифицирани погонски единици.