Наскоро доаѓа долгоочекуваната нова генерација на Porsche 911 GT3 RS. Ова и официјално го потврдија од Штутгарт, со најава дека неговата промоција ќе се одржи на 17 август.
Засега е познато дека ќе го придвижува 4.0-литарски шестцилиндричен мотор со повеќе од 500 КС (наводно 520 КС).
„Новиот 911 GT3 RS е уште пооптимизиран за користење на патеката од неговите претходници. Спонтано реагирачки, четирилитарски, шестцилиндричен боксер мотор со високи вртежи со приближно 500 КС се покажа како идеален за употреба во тркачки и клубски спортски настани“, коментира Андреас Пренингер, директор на линијата GT модели во Porsche.
„Затоа првенствено се фокусиравме на проблемите со аеродинамиката и шасијата во развојот на новиот 911 GT3 RS.
Сликите го прикажуваат прототипот на новиот 911 GT3 RS за време на тестовите, кој, меѓу другото, има пар вертикални перки од двете страни на браникот за подобрена аеродинамика. На страните, автомобилот добива отвори за воздух на предните браници и доводи на задните браници.
Што се однесува до цената, таа треба да биде околу 200.000 долари во САД.