Mansory не стои во место. Пред само неколку дена тој претстави уште една верзија на Bentley Bentayga, сега пристигнува нивна креација базирана на веќе ексклузивниот Mercedes-Maybach S седан.
Промените се однесуваат на верзиите S580 и S680 и вклучуваат делови од јаглеродни влакна (преден спојлер, отвори за воздух, странични прегради, заден дифузер, заден спојлер на покривот, спојлер на багажникот), сет од 22-инчни алуминиумски тркала, издувен систем со четири издувни цевки, уште полуксузен ентериер (кожен спортски волан, карбонски влакна, алуминиумски педали, ознаки Mansory…), како и засилување на моторот.
Верзијата S580 е придвижувана од 4,0-литарски V8 мотор (сега засилен на 600 КС и 820 Nm), додека S680 има 6,0-литарски V12 под хаубата (сега со 720 КС и 1000 Nm вртежен момент).