Украина уапси двајца мажи кои работеле за руското разузнавање и кои планирале да го убијат министерот за одбрана на Украина и шефот на нејзината воена разузнавачка агенција, соопшти денеска Украинската служба за внатрешна безбедност (СБУ).
Службата за безбедност на Украина тврди дека спречила заговор на руската воена разузнавачка агенција (ГРУ) за употреба на диверзантска група за извршување на три убиства, вклучително и на истакнат украински активист, соопшти СБУ, пренесе Ројтерс.
На осомничените, од кои едниот е жител на Луганск, а другиот жител на украинската престолнина Киев, руските лидери им ветиле до 150.000 долари за убиство на секоја нивна цел, јави СБУ, пренесува Танјуг.
Маж од регионот Луганск влегол во Украина од Белорусија и бил уапсен во градот Ковел во северозападна Украина заедно со маж од Киев, се наведува во соопштението.