171
Од Управата за хидрометеоролошки работи (УХМР) најавуваат дека од денеска попладне до недела под влијание на циклонска активност на повеќе места ќе биде нестабилно со пороен дожд, грмежи и засилен ветар. Во овој период наместа ќе наврнат и над 40 литри на метар квадратен дожд. Температурите ќе опаднат и ќе бидат под просекот за овој дел од годината.
Според УХМР, во Скопската котлина ќе преовладува променливо облачно, посвежо и нестабилно време со повремен пороен дожд, грмежи и засилен ветер.
Од Управата препорачуваат поголема внимателност во случај на појава на електрично празнење, како и да не се престојува на отворен простор под осамени дрвја.