Најмногу дожд во изминатите 24 часа наврнал во Тетово

Најмногу дожд во изминатите 24 часа наврнал во Тетово, 21 литар на метар квадратен, а најмалку во Скопје-Зајчев Рид, Демир Капија, Дојран и Берово, еден литар.

Според УХМР, до 8 часот се измерени 19 литри во Крушево, 8 во Крива Паланка и на Попова Шапка, 5 во Виница, 3 во Прилеп и Гевгелија, како и 2 во Струмица, Маврови Анови и Ѓуриште.

Времето ќе биде сончево и топло со мала до умерена облачност. Ќе дува слаб до умерен ветер од западен и северозападен правец. Максималната температура ќе биде од 25 до 33 степени, а УВ индексот ќе изнесува 7.