216
Министерот за надворешни работи на Русија, Сергеј Лавров, денеска изјави дека имајќи го предвид неодамнешното влошување на ситуацијата на Косово и Метохија, неопходно е да се најде решение засновано на строго почитување на нормите на меѓународното право, врз основа на резолуцијата 1244 од Советот за безбедност на ОН, со целосно почитување на суверенитетот и територијалниот интегритет и легитимните права и интереси на Србија.
Лавров ова го изјави на средбата со српскиот министер за внатрешни работи Александар Вулин во Москва, со кого разговарал за прашања од билатералната и регионалната соработка, објавено е на веб-страницата на Министерството за надворешни работи на Русија.