Баварската компанија повеќе не губи време камуфлирајќи го надградениот X6 M за време на претпродукциското тестирање. Секако, малку го криеја изгледот на предниот дел, но речиси целиот останат дел од возилото сега беше фотографиран без камуфлажа при последните проценки на Нирбургринг.
Очигледно е дека најголемите промени ќе има во предниот дел на автомобилот, кој BMW продолжува успешно да го крие, а се очекува и нов браник, светла, решетка на ладилникот, како и делови од капакот на моторот.
Најверојатно главната ставка на овој редизајн ќе бидат новите, потенки фарови и малку редизајнираната решетка на ладилникот. Под нив има браник кој ќе има пониски отвори и ќе биде многу потесен во однос на сегашниот модел.
BMW X6 M Facelift Spied With Minimal Disguise On The Nurburgring – Motor1 https://t.co/3PhfZPbaf7
— BMW Plaza (@BMWPlaza) August 24, 2022
Што се однесува до изгледот на задниот дел, се очекува BMW да остане верен на актуелното решение, а назад да нема многу промени. Прототипот забележан на Нирбургринг има ист заден дел како сегашната генерација, па компанијата од Минхен не се замара со камуфлажа. Сепак, за BMW не би било тешко да вгради нови задни светла со слични димензии, но различен дизајн.
Шпионските фотографи не можеа да ја снимат внатрешноста, но се чини дека и таа е камуфлирана. Ова може да значи дека новиот BMW X6 М ќе го добие најновиот софтвер iDrive 8 со заоблен екран, решение што веќе го видовме кај електричниот модел iX. Се очекуваат и други промени во кабината, но сепак минимални.
Што се однесува до погонската единица на моделот BMW X6 M, не се очекуваат промени. Тоа значи дека овој теренец со високи перформанси ќе продолжи да го придвижува 4,4-литарски мотор со 625 КС во изданието Competition.
Официјалната премиера на редизајнираниот BMW X6 М се очекува наскоро, но датумот се уште не е познат.