Комбе денеска влета во градината на едно кафуле во центарот на Брисел, по што на шест лица им беше потребна медицинска помош поради полесни повреди и шок, соопштија бриселската противпожарна единица и обвинителството.
Како што јави Ројтерс, возачот на комбето избегал од местото по инцидентот, кој се случил нешто пред 13 часот по локално време, и по него се трага, изјави портпаролот на бриселското обвинителство.
Никој од повредените не барал болничко лекување.
Според извештаите, не е познато дали инцидентот бил намерно предизвикан, иако очевидци изјавиле за белгиските медиуми дека комбето влегло на улицата што води кон прометна област со продавници, со гуми што чкрипеле, а целта му била очигледно кафуле и дека побегнало возејќи со голема брзина.
Incident à Bruxelles rue Saint-Michel (perpendiculaire à la rue Neuve). Les terrasses du Corbeau et du City Pizza snack ont été renversées par un véhicule. L’enquête est déjà en cours sur place pic.twitter.com/KzLi9gstc5
— Louis Colart (@LouisColart) August 26, 2022