Рускиот нуклеарен гигант Росатом во наредните недели ќе започне со изградба на два нови нуклеарни реактори во Унгарија, ги пренесува Би-би-си зборовите на унгарскиот министер за надворешни работи.
Таа централа моментално произведува 40 отсто од електричната енергија во Унгарија.
„Нека започне изградбата“, рече министерот за надворешни работи Петер Сијарто во објава на Фејсбук.
Со дополнителните два реактори, капацитетот на нуклеарната централа – која моментално се состои од четири реактори изградени во поранешниот Советски Сојуз – ќе се удвои.
„Ова е голем чекор, важна пресвртница“, додаде Сијарто. „На овој начин ќе ја обезбедиме енергетската безбедност на Унгарија на долг рок и ќе ги заштитиме Унгарците од дивите промени во цените на енергијата“, рече тој.
Тој објасни дека нуклеарните реактори би можеле да бидат подготвени за работа до 2030 година.
Контроверзниот проект вреден 12,5 милијарди евра во голема мера е финансиран од Русија.
Поради војната во Украина, многу земји од ЕУ се обидоа да ја намалат зависноста од руските енергетски резерви. Унгарија не ги поддржа безусловно европските санкции против Русија за енергетските производи.