Руската енергетска компанија Газпром соопшти дека Сименс енерџи е подготвена да помогне во поправката на расипаната опрема за гасоводот Северен тек 1, но тврди дека Сименс нема простор да ги изврши работите.
„Сименс учествува во работите согласно важечкиот договор, ги открива дефектите, го потпишува актот за откривање на истекување на нафта и е подготвен да ги отстрани. Едноставно нема каде да се поправи“, беше наведено на каналот Телеграм на Газпром, пренесува РИА.
Сименс соопшти дека е подготвен да учествува во поправката и да ги поправи дефектите за кои Гаспром рече дека го принудиле да го прекине снабдувањето со гас за Германија, пишува Гардијан.
Гаспром еден ден претходно објави дека Северен тек 1, кој претходно беше стопиран три дена поради планираното одржување, не може да продолжи со работа поради истекување нафта на блокот Трент 60. Претставник на германската компанија Сименс енерџи изјави за РИА Новости дека компанијата не го смета заклучокот на Газпром како техничка причина за запирање на гасоводот.
Северен тек 1 работи со ограничувања од средината на јуни, а од крајот на јули работи со само 20 отсто од својот капацитет од речиси 170 милиони кубни метри дневно.
Руската страна истакна дека намалувањето на испораките настанало исклучиво поради санкциите, што предизвикало проблеми во одржувањето и поправката на гасните компресори на Сименс. Неодамна работеше само една турбина.