160
Руската безбедносна агенција (ФСБ) во понеделникот соопшти дека го привела јапонскиот конзул во рускиот пацифички град Владивосток под сомнение за шпионажа и му наредила да ја напушти земјата, пренесоа руските новински агенции.
ФСБ соопшти дека конзулот бил прогласен за „персона нон-грата“ откако бил фатен „на дело“ како добива тајни информации за влијанието на западните санкции врз економската ситуација во источна Русија.
Се вели дека доверливите информации, кои се однесуваат и на соработката на Русија со неименувана азиско-пацифичка земја, се добиени во замена за „парична награда“.
Русија упати формален протест до Јапонија, на што владата на оваа азиска земја не реагираше веднаш.