Цените на увозот во Германија се зголемија во август најсилно од март 1974 година, поттикнати од повеќекратните повисоки цени на гасот и електричната енергија, како и на вештачките ѓубрива, покажаа податоците на заводот за статистика „Дестатис“.
Увозните цени во август се повисоки за 32,7 отсто во однос на истиот месец лани, по 28,9 отсто раст во јули, пренесува Хина, повикувајќи се на ДПА.
Увозот на енергија беше повеќе од двојно поскап од август 2021 година.
„Дестатис“ го издвојува поскапувањето на увезениот гас, чии цени беа четири пати повисоки од август минатата година.
Во однос на јули тие се зголемени за речиси 50 проценти.
Цените на увозот се зголемени за 13,2 отсто
Уште повеќе поскапеа струјата на годишно ниво, чии цени на берзата се речиси тројно зголемени.
Во однос на јули и тие се зголемени за речиси 50 проценти.
Јагленот беше три пати поскап од август минатата година, додека цената на нафтата порасна за 58,8 отсто.
Ако се исклучат енергетските производи, увозните цени во август се повисоки за 13,2 отсто.
Нагло пораснаа и цените на увозните ѓубрива и лепила, повеќе од двојно во однос на ланскиот август.
За четвртина поскапеше увезената храна.
На месечно ниво, инфлацијата на увозните цени се искачи на 4,3 отсто, од 1,4 отсто во претходниот месец.
Двоцифрен раст забележаа и извозните цени. Се очекуваше зголемување од 2,0 отсто.
Истовремено, инфлацијата на извозните цени изнесува 18,6 отсто, наспроти 17 отсто во јули.
Двоцифрен раст бележат и извозните цени, за 18,6 отсто, во однос на ланскиот август, забележува „Дестатис“.
Во јули се зголемени за 17 отсто.
Најмногу скокнаа цените на извезените енергетски производи, кои беа повеќе од три пати повисоки од август 2021 година, утврди Заводот за статистика, издвојувајќи над четири пати поголема цена на извезениот гас.