159
Северна Кореја истрела неидентификувана балистичка ракета во морето во близина на нејзиниот источен брег рано наутро по локално време, соопшти војската на Јужна Кореја, без да даде детали.
Претставници на јужнокорејската армија објавија и дека на границата меѓу двете земји е забележана формација од 10 воени авиони, пренесе Ројтерс.
Се наведува дека авионите биле откриени како летаат на околу 25 километри северно од воената демаркациона линија во централниот регион на граничната област.
Последното лансирање е седмо во последните 14 дена и второ од минатиот вторник, кога Северна Кореја истрела ракета со среден дострел над Јапонија.